منتدى كتاكيت

منتدى كل شي جديد
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 فوزي في النيويورك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
*love*



عدد الرسائل : 17
العمر : 26
الموقع : ********
تاريخ التسجيل : 22/09/2008

مُساهمةموضوع: فوزي في النيويورك   الجمعة أكتوبر 10, 2008 10:32 am


•!¦[• فوزي فى النيويورك..!! •]¦!•



اليوم رح نترك فوزي يحكيلكم قصتة وهو فى
النيويورك..!!

•!¦[• فوزي فى النيويورك..!! •]¦!•


مرحبا يا قهاقير اليوم انا حابب احكيلكم بالتفصيل الممل قصة حياتى

لما كنت فى النيويورك من طقطق لسلام عليكم بس اسنتو معي ع شان تستوعبو القصة ..




هاد يا جماعة الخير ركبت اول طيارة طالعة ع النيويورك وقلت يا باب الله واتسهلت وطلعت من
بلد الانبساط الى النيويورك بحالها واول ما وصلت مش عارف وين بدي اروح ..



قلت بدي اعيش حياتي لسا انا فى عز شبابى والشغل بأمريكا مش عيب , رحت على اول
مطعم بوجهي , اجاني واحد بقلي hello mr would u drink something



قلتلو no ... job job job( انجليزياتي ضعيفة) كشفني الزلمة اني مش امريكي
بقلي : ايه يا عم , وانت عربي بردو؟ , شفت حسن شحاتة عمل ايه مع مصر ؟ والنبي انت
زملكاوي ولا اهلاوي , زمالك يا حياتي عشئي حتى مماتي ...
(ماشالله المصريين بكل مكان)



انبسطت انو لقيت واحد عربي يساعدني ,قلتله اني بدي اشتغل , فحكالي مع صاحب المطعم
وفعلا صرت اشتغل جرسون والساعه بـ9 دولارات , انبسطت واشتغلت اول يوم 10 ساعات وروحت ب90 دولار ..


رحت انام عند صاحبي المصري الجديد , عرفت انو اسمه شوقى , وحاكي للاجانب انو اسمو joeطبعا ما نمت طول الليل بفكر كيف بدي اتعرف على امريكية اتزوجها واخلف منها ولد واخد الجنسية وارجع فيها غزة ..



تاني يوم وانا بغسل صحون وكاسات حكالي المصري انو لازم اتعلم كيف اقدم الوجبات والمشروبات للزباين..


وانا لأني حدق وماشالله علي اتعلمت بسرعه وصرت اقدم للوجبات للزباين وبساعة من الساعات شفتلكم ملاك داخل المطعم..


طويلة وجسم متناسق , شقرا وسمرة عيون خضر ورموش طويلة ..
قلت فرصتك يا ولد كيف بدي ازبطها؟؟ ..





قررت اني اروح اخبط فيها واوقعها عالارض و بعدين امدلها ايدي واقومها , فهي بتصير تحبني ..
وفعلا مشيت وقويت قلبي وسميت بالله وخبطت فيها , وانا الي وقعت عالارض وخبط راسي
بطرف الطاولة واغمى علي وما صحيت الا وانا بشقة هديك البنت
ومتمدد على كناباي كبيرة وهي
واقفة فوق راسي ..


صحيت قلتلها ,, ( بحلفك بالله وبالغاليين , انك تسلخني 20 كف على خدي مشان اصحى من الحلم الي انا فيه) ..وفعلا الله يرضى عليها ما كزبت خبر ,, سلختني كف كفين قلتلها خلص
بكفي انا مش بحلم ..



بلحظة تزكرت كل الي صار .. انا نسيت انو وزني يا دوب 66 كيلو ..وهي اطول واعرض مني بكتير ..
وتزكرت اني لماحكيت معها عربي ( لما قلتلها اسلخيني 20 كف )
فهمت علي و ضربتني .. معقول البنت عربية؟؟



قلتلها do u speak ararbic?
حكتلي yeah my mum from lebanon so i can speak arabic very well ..
ياجماعة ابواب السما انفتحتلي .. ووووالله فرصتي ,البنت شقفة وماعمري توقعت انو بنت
بحلاوتها اتزوجها , والاهم من هيك انها بتحكي عربي و معها جنسية ..




اعتذرلتلي لأنها كانت سبب بوقعتي عالارض وطقينا حنك وعرضت عليها انو ابوي وزير بغزة وانو عنا اراضي بغزة ,, بس جاي هان مشان اعتمد على حالي ..


ضلينا نحكي ونحكي , وطلبت دليفاري بيتزا مشان نتعشا مع بعض , صارت الساعه 12 وانا مش جاي عبالي اروح ..
قلتلها انا ما عندي مكان انام فيه , وما معي مصاري وحكتلي اوكي نام اليوم هان ,
ويالله شو انبسطت طول الليل وانا بحكي وهي بتسمع
انا بنكت وهي بتضحك ..



عرفت انو اسمها نتالي , و ابوها مات وامها بلبنان هلقيت وانو عندها صالون تجميل بنيويورك ..
وانا خلص حبيتها وصرت بدي اتزوجها كمان ,, واكيد هي حبتني .. تاني يوم كان الـ weekend
وهي مسكرة الصالون وانا قلتلها انا ماعندي شغل اليوم ويلعن ابو الشغل
قضينا الجمعه مع بعض ..



والعصريات رن الباب وقمت افتحو , طلعلي واحد بشبه cent ...50 .. نطيت علي وقلتلو 50cent i love youuu


اجت ناتالي بتضحك بتحكيلي ولك هاد بيتر صاحبي , عبطت بيتر وباسته بوسه انا كان فيي عقل وطار ..

حميت وانتو بتعرفو انه احنا العرب ما عنا يمة ارحميني بهاي الشغلات , البنت الي بتخون حبيبتها بنتقطع رقبتها ..


خصوصا انها كذبت علي انو ما عندها ... BFصرخت عليها وقلتلها ليه
كزبتي علي؟؟؟



وما استنيتها تجاوب نطيت على بيتر ونزلت فيه كفوف وهو بقلي wa'sup man , وانا بضرب وهو ساكت ,
واول ما حاول يقاومني ضربني على راسي اغمي علية اوغمن عليه اى اى اى , ,


المهم صحيت وانا على نفس الكاباي هديك ونتالي بتحطلي تلج , فهمتني انه بيتر صديق مش اكتر وانها اعجبت بشهامتي وروجولتي..


وحكتلي انو فتى احلامها هو معتز ابن ابو عصام بباب الحارة,. وانو شخصيتي زيو واني بزكرها فيه ..
وحكتلي انها بتحبني ويالله هلحين هلحين بدك تتزوجني ...
وانا ماكزبت خير ..


عشت احلى اسبوع بحياتي



باليوم السابع بلشت نتالى تدوخ وتستفرغ اخدتها عالدكتور
طلعت حامل..!!


حامل؟ رح يجيني ولد . رح يصير معي جنسية , يارب يطلع ابني بشبه
امه اشقراني وحليوة ..!!


مرت 6 شهور كل يوم اطلع عالشغل اشتغل 10 ساعات , ومشان ارجع ع غزة بالجنسية وولد امريكي ويكون راسي مرفوع قدام صحابي وجيراني واهلي الي دايما كانو
يشوفو فيي الشب الفاشل !!.


بالشهر السابع صار بطن نتالي 4 متر لقدام , وبلشت تولول , واخدتها عالمستشفى وانا بدعي الله يحفظ ابني يا رب و هالازعر جاي بالشهر السابع , مستعجل عالحياة العرص ..!!


حطو نتالي بغرفة توليد وطلعت من نتالي صرخة قوية بعدها صوت بيبي ببكي
اخدتها جراى لجوا اشوف ابني وفلذة كبدي وولي عهدي .. وقفتلي الممرضة بتحكيلي :
what u doin here??


بقلها

: NATALY is my wifeبتحكيلي

what?,, imposable oh my god


خف عقلي , يعني لأنها احلى مني مستحيل تكون حبيبتي مرتي؟؟ , فعلا انو الامريكان متخلفين وعندهم نزعة عرقية..!!


المهم دفشت الممرضة ودخلت عند نتالي ,, لقيت جنبها كيس اسود وطالع منو صوت ولد ببكي ..!!


فكرت حاطين ابني بالكيس رحت نطيت مشان اطلعو من جوا , اكتشفت انو هاد الكيس الو تم وعيون وهو الي ببكي ..



رحت عند نتالي بقلها , ولك وين ابننا؟ ',,, بتحكيلي هيّك حامله مش شايفو؟؟ ,,
اتطلعت عليه لقيتو بني ادم اسود ,.. و بشبه واحد كتير بعرفو ,, بشبه 50cent لا والله بشبه بيتر اكتر

الله لايوفقك يا بيتر , والله لا يوفقك يا نتالي ,, حاملة من بيتر؟؟؟
بسرعه وبدون تردد مسكت المقص تبع العمليات وطعنت نتالي فيه ومسكت ابن بيتر ورميتو من الشباك ..

بعد التحقيق معي اكتشفت انو نتالي بنت حرام مامعها جنسية امريكية, وبتاريخها كانت تشتغل بنادي ليلي, وانو طموحها كان انه تتزوج واحد غزاوي مشان تاخد الاقامة فى غزة ..



انا الان في غونتنامو , والحمدلله موزيعين علينا بالسجن لاب توب لكل سجين والوايرليس بعمل جميع انحاء السجن ..
بلغو أهلي انو موعد الزيارات كل خميس.. والزيارة الجاية
يجيبولي سفط حلاوة. .



lol! lol! lol! lol! lol! lol! lol! lol! lol! lol! lol! lol!
LoVO
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE FREE MAN



عدد الرسائل : 323
العمر : 26
الموقع : رام الله
تاريخ التسجيل : 20/08/2008

مُساهمةموضوع: رد: فوزي في النيويورك   الثلاثاء أكتوبر 14, 2008 1:03 pm

ههههههههههههههههههههههههه
هههههههههههههههههههههههه
ههههههههههههههههههههه
ههههههههههههههههههه
ههههههههههههههههه
هههههههههههههههه
هههههههههههههه


بجد احلا فوزي
لك احلا لوف بالمنتد

شو هالموضوع النكشة

بجد طقع
شكرااااااااااااا

_________________

وأحبة عشت الحياة في ظلهم إن الحياة بدونهم لا تذكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سفـــ الغرام ـــير



عدد الرسائل : 185
العمر : 24
الموقع : فـي مكــانـ لا يعرفه ســ9ـى العشاقـــ
تاريخ التسجيل : 22/08/2008

مُساهمةموضوع: رد: فوزي في النيويورك   الثلاثاء أكتوبر 14, 2008 2:47 pm

هههههههههههه مسكين هااد شو راح يكون اكيد فلسطيني

الله يعينه

مشكور اخي على موضوعك

سيتم نقله للقصم المخصص

تقبل مروري

سفــــ الغرام ـــير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*love*



عدد الرسائل : 17
العمر : 26
الموقع : ********
تاريخ التسجيل : 22/09/2008

مُساهمةموضوع: رد: فوزي في النيويورك   الخميس أكتوبر 16, 2008 9:12 am

اكيد راح يكون فلسطيني يا سيف الغرام ومشكور على الرد وعلى فكرة انا بنت مش ولد
Embarassed
THE FREE MAN

مشكور على الرد والمرور وهذا اكيد من زوقكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فوزي في النيويورك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كتاكيت :: منتدى التسالي والألعاب :: قسم النكت والفرفشة-
انتقل الى: